accidit in puncto, quod non speratur in anno –
Wennd gern mit Schbrooche un de dezu ghörende Werder jongliersch,
isch's gut, wennd a mol was total Nonverbals riskiersch!
Wemma – wie i – im Rentealte isch
hüftsteif un a sonscht nemmeh ganz frisch,
muß ma achtsam un mudich die Gelegehaite nütze,
die oim vorem wirklich „Alt sei“ schütze.
So oine hot ma mir jetzt uff em Durlacher Hausberg offeriert
un i häb se stante pede sub divo ausprobiert.
Qui ne risque rien, n'a rien! häwwe mir gsagt
un uff mei alde Däg e waghalsigs free climbing gwagt.
Hoch iwwerm 2015er Johrgang Turmberg Lemberger trogge
zwischem L un em A vom Schriftzug DURLACH zu hogge –
isch 50 Johr nooch de Schulzeit am Markgrafegymnasium
was d'Erinnerunge ogeht, s'endgüldige pax vobiscum.
Mir sin in luftiger Höh uvergessliche Ei- un Aussichte grode.
S'Noochmache isch allerdings – A – wahrscheints verbode
un – B – sell mecht e als Schbroochakrobat net verhehle –
für en artistisch Ubedarfte beim beschte Wille net zu empfehle.
I häb des luftige Sitzplätzle iwwer de Räwe net alloi erklomme,
sondern e Oliegerweibergschneck vom Wolfsweg mitgnomme.
So kam's uff dem Balke zwische Himmel un Erd zu eme biblische Moment
Warum waiß, wer Prediger 4 Vers 9 folgende kennt...
A wemma Durlach vom Schriftzug DURLACH aus wunderbar sieht,
derf ma devo ausgeh, dass ma s' Erkraxle von dene Buchstabe verbiet.
Dann gilt's für die Nemmehwaghalsigseidürfer äwe eizuseh:
Von 6 m wenigger weider owwe isch Durlach fascht genau so schee.
I häb mer's rechtzeitig vorem Kletterverbot net nemme losse
un häb vom Durlach unne von sellem DURLACH owwe e Foto gschosse...
